【後市睇法】港股大好友、Look's資產管理董事總經理陸東，昨出席講座時大談港股及樓市展望。有在場人士透露，陸東睇淡香港本地樓市，「最近都賣咗好多物業套現，𠵱家個人物業投資組合比例係歷史新低。」他認為港股估值偏低，即使最近已累積不少升幅，但仍然有上升動力，因此認為「今年買樓回報遠低過買股票」。資料顯示，陸東於去年9月沽售上環海景商業大廈物業，持貨11年賬面賺658萬元。

睇好保險水泥股

對於特首梁振英施政報告增加土地供應，他指遠景正確，惟政府不可能快速解決「樓荒」，今年樓價不會大跌。
陸東認為，中國GDP會保持穩定增長，「就算A股（滬綜指）最近升穿2000以上，但PE都係得7、8倍，已經冇得再睇淡個市，所以睇到仲有個升浪，我會睇好利用槓桿比率高嘅股票，如經紀行同保險股，旗下基金就買咗國壽（2628），因係行業龍頭。」陸東較早前指，今年恒指合理值為27800點，旗下基金去年回報10.28%，跑輸同期恒指的23%。
他又認為，中共新班子會加快城鎮化及基建發展，「內地運輸成本佔GDP 14%，外國只係佔2、3%，所以公路建設好重要，我建議買公路股，但鐵路股就要諗吓，因為應收賬太高，未有錢同股東分享。」他又指水泥股會受惠基建發展，並推薦海螺水泥（914）及華潤水泥（1313），「因為生產成本係行業最低，但鋼鐵股就要小心揀！」
至於去年跑贏大市的內房，陸東認為內地樓價不會跌，因此「買內房好過買香港地產股」。