蘋果日報慈善基金與聖雅各福群會於去年十二月展開「電器贈長者」計劃，安排轉贈家庭電器予社會上的孤苦無依長者，迄今已有超過七百五十名長者受惠，得以改善生活。「電器贈長者」計劃現正陸續安排轉送電器予有需要的長者，令一眾老弱在今個聖誕佳節感到溫馨愉快。

年屆八十高齡的羅婆婆，近月家中的電飯煲無故失靈，令她一度愁眉不展，「個電飯煲係舊街坊兩年前送畀我嘅，嗰陣因為我用開嘅『老爺』電飯煲壞壞哋，個街坊就將佢參加抽獎抽中嘅新電飯煲送畀我。點知到𠵱家只不過用咗兩年，近排成日未煮熟飯就跳掣，煮到啲米半生半熟，見到就頭痛！」

羅婆婆不愁煮生飯
獨身的羅婆婆，年輕時隻身從廣東番禺來港謀生，數十年來從事清潔工，收入僅夠餬口；晚年依靠綜援金維持家計，生活清苦。「我有心臟病，要定時食藥。另外半年前我對腳開始行路無力，經常覺得痠痛，食親止痛藥個胃就唔舒服，惟有買藥油搽，呢啲錢點都唔慳得！」羅婆婆歎謂。
有見羅婆婆生活貧困，無力更換破爛家庭電器，「電器贈長者」計劃近日安排轉贈由商號捐贈的全新紫砂電飯煲給羅婆婆，令她喜上眉梢。「大家咁關心老人家，多謝。」羅婆婆感激地說，不愁再煮生飯了。