曼徹斯特打呲將會喺今晚開打，賽前大戰氣氛雙當濃烈。不過，就喺比賽之前，曼徹斯特警方就表示，如果佢地見到有球迷持有一邊印曼聯隊徽，一邊印曼城隊徽嘅頸巾，將會零容忍，拉哂返差館，究竟係咩事呢？

事緣喺幾日前，有位球迷就喺twitter問曼徹斯特警方嘅官方帳號，若果警方喺比賽當日見到有球迷戴住呢款頸巾，可唔可以即刻拉哂佢地，原因係佢太影響公眾秩序。當然，就係因為兩隊近年勢成水火，大家都唔想擺埋一齊。

之後，曼徹斯特警方嘅官方帳號就即刻開post問各位網友意見，究竟應唔應該執法呢？此帖當然必火！唔少網民即刻留言表示舉腳贊成，仲有人話要立法規管添。而曼市警方就「從善如流」，講笑咁話會拉哂當日戴呢嘅款頸巾球迷。不過，一切都係搞笑，大家勿認真呀！

--------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM