做傳媒難、由政黨搞傳媒更難！公民黨湯家驊話，《A45》報個戶口𠵱家得番六萬幾蚊，好可能出多一兩期就冇錢要執笠，但話晒張報紙搞咗出嚟，咁快又要收檔係幾可惜，佢就贊成將《A45》變做黨報畀黨員，咁就冇咁嘥啦。
《A45》報開創時，有商人顧明鈞捐咗一球，而且又有啲地產商同小小超落廣告，都叫做有幾條大水喉射住，班大狀都諗住有得搞落去，點知政改之後就乜廣告都冇晒，得番小小超嘅電盈繼續支持，每個月都淨蝕好多。
湯家驊話，雖然印刷商已經用友情價，但𠵱家每期都要使六皮幾，做十幾期就搣晒一球，至於係咪摺咗佢，咁就要同啲黨員傾吓啦。