當年今日

隔牆有耳:
曾鈺成棄「戰友」遊桂林 - 李八方

蘋果日報 2016/12/08 00:00


正當財政司司長曾俊華按照律政司法律意見拒答立法會議員問題,疑似俾人跣鑊甘之際,早排被傳喺選委會選舉結束後,會同佢組成「雙曾」組合,拍住上選特首嘅前立法會主席、民建聯曾鈺成,就遠離呢位「戰友」,同黨友去咗內地嘆世界。
阿曾逍遙快活之際不忘喺facebook貼文,以「五個老生去旅行」為題,貼出一張同3名民記前立法會議員,譚耀宗、葉國謙同陳鑑林,以及黃建源一齊遊桂林「逍遙樓」嘅相(圖)。
面對海上一片風平浪靜,相中一身紅色風褸嘅阿曾戴住黑超,手執相機笑騎騎,喺船上甲板企得好穩陣,唔知佢有無隔空過番幾招畀鬍鬚曾,指點下防跣技巧?