【特寫】
經常被問及「是否退黨」的立法會議員湯家驊昨道出，自2010年公民黨決定參加五區公投起，三次想退黨，其中一次更寫好退黨信、準備開記者會，終因助理力勸作罷。湯昨先致歉再道謝，多次哽咽兼雙眼通紅。
離開需要勇氣，湯家驊昨披上代表勇敢的紫色恤衫，表示退黨想法困擾他五年有多。首次萌生去意是在2010年五區公投，他反對有關公民黨有份發起的變相公投：「但我覺得當時退黨，對於黨同民主運動有極大傷害，另一個考慮係，我走入議會就係爭取普選，普選方案都未出，我就退黨、退議會，實在出師未捷身先死。」

8.31決定後已寫退黨信

之後到2012年，因為《版權條例》問題，湯家驊接受政府提出的修訂，但該黨陳淑莊提出另一個修訂，迫令他反口，要跟黨反對政府的修訂。湯憶述事件令他飽受攻擊，當時再次思考退黨問題，但普選方案未出爐，決定再等一會。
去年人大常委會公佈8.31決定，湯家驊當時寫下昨天才公開的退黨信，並安排房間開記者會，準備向曾鈺成請辭，但遭助理勸退：「（助理）話雖然出咗8.31決定，但係你（湯家驊）係咪應該繼續去努力，喺8.31框架之下，尋找出路呢？……我再次擱置咗我退黨、退議會嘅決定。」當看到助理在記者會列席，湯再度哽咽：「今日（昨日）係最好嘅時機，我唔相信會有一日比今日係更好時機。」他最後向助理致謝。
■記者姚國雄