【國安法殺到】藍奕邦七一老銅「曬太陽」 何韻詩自言整極唔死
蘋果日報 2020/06/30 19:45
何韻詩藍奕邦國安法
（FB圖片）
「港版國安法」於回歸23周年前夕，獲全國人大常委會全票通過，港府已宣佈會即時刊憲，明天就會成為香港法例，或多或少都會影響明天七一遊行人數。不過作為死忠黃絲一份子的藍奕邦今日已率先在facebook表態，會趁明天「風和日麗」的好日子，到銅鑼灣買個新平底鑊。
藍奕邦在FB貼出一張半裸曬日光浴照，留言「港版國安法今日在人民全票通過，相信明天七一就會實行曬夠太陽吸夠正氣，先可以去迎接2020應該會更mindfxck嘅下半年。我又唔係驚喎，成件事其實根本係錯嘅，所以我唔會為一啲全球都覺得唔make sense嘅嘢浪費energy去驚囉嘥氣，留返度力鬥長命好過。下半年我哋繼續加油啦oosh~」又hashtag「#騙照#我聽日想出銅鑼灣買個新平底鑊#去邊度買好呢」，在逆境中充滿正能量，令人佩服。
另一方面何韻詩在國安法未通過前，已經受到「迫害」，早前她已透露工作室被業主逼遷。經過一輪努力阿詩的新辦公室終於入伙，她在fb貼出圖片，偌大的辦公室光線充足，阿詩留言：「國安法殺到嚟之際我哋玩逼遷，係咪最大諷刺？哼！新屋入伙，搞到全部同事朋友咁辛勞，點都嚟個歡欣pose先，無理由就咁俾佢哋打擊到士氣嘅！係冇咗個studio㗎喇，係大屋搬細屋㗎喇，但我哋有嘅係意志，就係整極都死唔去，你吹啊？正所謂，李暉啦！你老x！！！#告別goomusicstudio#告別一國兩制#多謝我班義氣仔女」。
藍奕邦表示明天上街。（FB圖片）
阿詩搬新辦公室，多得一班朋友同同事幫手。 （FB圖片）