【最後說話】
李菁留給父親最後一句話：「對於非常疼錫我的父親，我的心情卻是強烈的恐懼、不安和憎恨。」就如刀刃，直插慈父的心。「點諗到花最大精力培養佢，教到佢咁叻，結果反而害咗佢……」羊爸說。出身艱苦年代，讓他堅信「人定勝天」，也讓他輕視女兒的困難。
父親是國民黨憲兵隊長，文革期間被批鬥，28歲隻身來港，「真係窮到得廿蚊嗰隻」。住過荃灣木屋區、西營盤的板間房；試過在酒樓做打雜、在貨櫃碼頭做苦力。八十年代遇上香港經濟起飛，經朋友介紹，轉做外滙經紀，試過「屙篤屎嘅時間賺層樓」，也試過「蝕到趴直」，金融風暴一鋪清袋，46歲，打回原形。

苦撐三年 患抑鬱症

「馬死落地行，走咗去做看更，企喺度開門關門，諗番細個喺鄉下嘅小玩意，手造玩具降落傘，攞番大陸造，喺維園年宵賣」。時值2003年，食正楊利偉太空熱，賣出三萬套，自此以小販為業，四出走鬼擺檔，養活一家五口。就是女兒出事，他也拒絕見輔導員，苦撐了三年，「失眠咗幾個月，有次對住嗰窗喺度喊，想跳落去，同個女團聚」。生死之間，他想起妻女，終向社工求助，證實患上抑鬱症。
「以前咩都覺得頂得住，到自己有病，先明白嗰女嘅心情，呢嗰病，唔係靠意志就搞得掂」。文化中心墟市結束被迫遷，情緒激動寫下遺書企圖跳樓，訪問前一日，他在赤柱擺檔，又被食環署驅趕爆衝突，只是今次，他沒上次激動。「睇吓點先啦，或者有個好心人畀個街邊位我賣嘢都唔定呢。」他說。
《蘋果》記者