昨日係家駒嘅生忌，歌迷都喺facebook、微博等等出post貼相，為家駒送上祝福。

而Beyond三子噚日喺微博留言同家駒講生日快樂，日前家強喺香港開騷，仲同胞兄隔空對唱《誰伴我闖蕩》，咁黃貫中（Paul）呢？就選擇獨自思念，Paul被網民發現喺北京一間酒吧，自彈自唱一曲《海闊天空》送給家駒，咁啱有歌迷喺現場見到Paul，開心到即刻影相，跟手再上傳微博，該網民就話：「一點驚喜，一點幸福，看我是歌手是非常喜歡的黄貫中，居然坐我們後面，居然聽了現場版的海闊天空，太澎湃了，嘿嘿嘿嘿...據說他是給朋友過生日去的。」

這幾幅相，同時畀Paul嘅歌迷轉發了，Paul見到後亦喺微博抒發感受，佢話：「今天能在北京後海騎騎腳踏車，邊唱著你的歌，我感到離你很近，好快樂！我還穿拖鞋呢。因為我腳少了一塊肉。」那個「你」，是家駒吧。

網民都支持阿Paul：「Paul哥故事真的好好聽好感人，希望聽到現場版，家駒會喜歡的！單純真誠的音樂是最好的！家駒生日快樂！」


【蘋果動新聞】AndroidApp修正版上架
回應讀者要求，AndroidApp修正版改善記憶體使用情況，以及廣告顯示模式，即刻去PlayStore下載啦！↓↓
http://bit.ly/appledailyupdate