無綫節目《星夢傳奇》繼台慶視帝、視后後,今晚喺將軍澳電視廣播城舉行決賽,四強鄭俊弘、鄭世豪、姚兵、陳明恩經一輪激戰後,由全港觀眾投票選出終極冠軍。而鄭俊弘就先拔頭籌,勇奪由譚詠麟(阿倫)、李克勤、巫啟賢及肥媽等評判選出的「專業推介表現大獎」,恭喜晒﹗
而負責頒獎的巫Sir頒獎前話:「雖然我白頭髮,但我係聽阿倫歌長大。」台下阿倫聞言即說:「所以話你有品味。」巫Sir續說:「就因為我聽佢歌長大,所以我0依家好識唱歌,但咁多年來,阿倫﹑克勤﹑學友等巨星上咗神枱後,喺香港人間好似只得一個陳奕迅,咁多年嚟你哋甘心只得一個陳奕迅嘛?唔甘心嘛?畀多個人選你哋好嘛?」之後就宣讀賽果,並頒獎畀徒弟Fred。
鄭俊弘獲獎時話:「好多謝評判,我好努力咁樣學音樂去彈結他去唱歌,唔知算唔算專業,每次上台攞我個心出嚟,為大家表演,希望大家感受到。」