【聲援良心犯】朱耀明質疑有否考慮良善動機:佢哋為700萬港人而非私利!
朱耀明聲援良心犯
【新增影片】
和平佔中發起人之一的朱耀明牧師今日參與遊行,他認為公民抗命是要承擔刑責,但控罪是否與本質相符才是關鍵。他指,法律必須有悲憫作為基礎,而非只是「死條文」,「判罪有冇考慮16個人良善嘅動機?」他強調,他們是為700萬港人而非私利。
他又指,這段時間政府稱要彌補撕裂,其實現時卻反在激化,「我哋諗諗未來十年,就係呢一班被囚禁喺監獄嘅人,佢哋係社會裡面最主要嘅人」,法律要考慮背後的動機,對他而言港人已爭取普選30年,「30年嚟乜方法都用過,但政府有冇解到呢個結呢?有冇能夠開放呢一個政府制度,讓人人都公平?」他直言,按現時情況這個結可預料會繼續存在,若要解開便要有一個民主政府,亦即有公民認受性,才能重建對政府、甚至是對司法制度的信任。
朱耀明本身亦有案件在身,他坦言「冇得擔心」,只要求有公平公義的審判,而強硬的手段不會令人民追求民主止息。