正所謂有競爭才有進步，目前香港大量冠軍級騎師，爭泊碼頭情況湧現，就以告東尼為例，上季倚重田泰安，成績及格有餘，但自從杜美爾出現，前者優勢變得岌岌可危。

剛周日（1日）開鑼日，杜美爾化身東廐影子主帥，二人合作四駒贏兩場頭馬，來港三季的「加州更好」一戰功成，「熱血鬥士」上季在田泰安手上屢拼不呈，今戰換人即開齋贏馬。

睇直路早段杜美爾一直打右手鞭，可能感覺反應欠佳，明知出錯腳，仍冒着內閃危險照轉左手連打三鞭，問心講講，以杜美爾豐富經驗，在沒有修正意識下，最後五十米橫撞「三圓䮭路」而贏四分三身位。

賽後有馬迷朋友話打茅波應該告得甩，但最後裁決罰人不罰馬，從另一方面講，應該話杜美爾之表現，已經贏得告仔歡心。

從以上例子可以說明，目前騎師競爭情況，係前所未有之激烈，為了贏馬，為了爭地盤，瞓身演出在所難免，在馬迷角度來講肯定係一個好事，起碼戰意不用懷疑。

總好過上季經常性出現，某某騎師覺得馬匹動作僵硬，直路停止催策，而賽後獸醫檢查咩事都揾唔到，當然行船跑馬三分險，安全最緊要，顧己及人，但馬迷福祉亦非常重要，樂意見到好鬥志沒有古怪的騎法，但覺得馬匹動作僵硬等辯語，希望可免則免了。

-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此