柯嘉琪今日低胸大騷事業線到書展為寫真造勢，更邀請好友劉俐、澳門小姐伍家怡等撐場。

柯嘉琪剛剛完成傳理系碩士課程，佢話覺得讀書成績好，同性感係兩回事(咁當然係兩回事啦…)：「我又唔係特登表現邊一個部份，最緊要係勻稱。本寫真綽頭唔係行性感，而係用相片表達我對自己迷戀感覺，張相係女助手用手，從後面用力摸我個胸同面。」

有份嚟撐場嘅劉俐，塊面生晒一粒粒，佢話係因為食得多芒果，濕熱。近年劉俐忙於點心舖生意，平日都會落舖頭幫手，生意都唔錯，希望投資六位數資金可以回本，然後再開分店，問佢係咪唔再出寫真？佢話：「出一次就夠，留好回憶。」

另外同樣撐朋友新書嘅鄭伊娜近日跟朋友開咗間SpeedDating公司，佢話：「0依家都諗緊每次要有唔同特式主題，暫時保持神秘感，第一次活動應該下個月舉行。」

對於今屆亞姐選擇搞真人騷，鄭伊娜話覺得係特別綽頭，亦唔覺得亞視前景問題而影響佳麗參選意慾，因為參與選美係一個好好人生經驗喎