今日（23日）幾乎落雨落足一日，以致掛牌掛上好地至黏地，雖然現場已經停咗雨，但臨場場地偏差仍然幾大，幾乎放頭馬都能夠進入前三位。

就好似頭場最短途五班1000米由吳定強馬房「跑馬仔」食出頭糊，騎師何澤堯起步已經搶佔領頭馬位置，最後一放到尾勝出，而第二場跑長途五班1800米，都係放頭馬天下，葉楚航麾下「大寶庫」由騎師田泰安沿途守好位，在慢步速之下，贏得今場頭馬。

第三場去番短途賽事四班1200米，吳定強成功起孖。雖然騎師蘇狄雄胯下的「聖驛善」以鼻位從後殺上勝出今場賽事，但係第二名「秘密武器」同第三名「英姿茂盛」都係放頭馬，所以其後場次都係適宜率先留意放頭馬。

另外有項有趣數據出現，就係4、5號馬匹頭三場都入到三甲，其後場次的4、5號馬點可以忽視？而第四場後，馬會唔會作出壓地，利放頭的情況可能持續到下半場。