「每逢股市跌得多，唔係賴衍生工具，就一定係話對冲基金搞事，但事實係，市場要你跌，長遠而言，人力係阻擋唔到，並不能單靠一小撮人可以成事。」對冲基金負責人譚新強辯稱：「監管機構可隨意改例，好似球證落埋場踢波，偏幫長倉客，保護市場唔會跌得太勁……但升得多的時候，就無人出聲。」因此歸咎對冲基金沽空，令大市異動，實屬無稽之談。
他以5月6日道指曾暴瀉近千點為例，當日並非人為錯誤拖冧市，較可能是機制上的漏洞令流通性出現問題。但最關鍵的是，當日大恐慌只是速度問題，而非跌幅問題。道指當晚曾跌穿9900點，但上周初段道指已跌低過當日低位，這反映市場其實是要往下走的事實，只是監管機構不能接受短短半小時內暴瀉，向沽空客問責追究。

成立CAI前，譚氏為投資大行衍生工具銷售主管，他笑言經過海嘯後，「衍生工具只會越來越簡單，複雜的沒有人會買。」
對於股票及債券，他形容前者為藝術，後者則屬科學。「股票除留意資產負債表，亦要留意市場氣氛、宏觀政策及風險等，相對債券以科學化信貸分析，股票較為虛無縹緲。」
「買內房股就好像在佳士德拍賣會上買一幅畫，值幾多錢係一種藝術，有人好叻藝術。」但讀工程出身的他，更着重科學化分析，「好似今年熱炒的醫藥股，粒藥係科學，但炒賣就係藝術。」
CAI環球基金成立五年至今，每年平均回報約30%，譚氏指，投資是馬拉松，能做到30年每年回報30%，複式回報逾千倍，始稱得上殿堂式基金，媲美國際級的量子及老虎基金。