【講笑吓話?】方伊琪明年開演唱會 王俊棠提議行性感路線
方伊琪曾航生娛樂王俊棠
方伊琪今日到新城電台宣傳明年2月舉行45週年演唱會,邀請了王俊棠同曾航生做嘉賓,佢話歌曲已經準備好,衣服方面,方姨幽默話:「總之就唔三點式,我都唔會行性感路線,驚冷傷風。」而王俊棠就提議佢可以性感,在胸前加肉色薄紗,仲話朱咪咪都畫兩條線啦,係指眼線。
曾航生近日多咗參與拍劇,被委派演反派角色,同過往斯文型象大有分別,王俊棠就笑佢陰陰濕濕奸咗人都唔知。屢次被安排做反派,曾航生話唔介意,覺得觀眾好聰明識分,正正想同以反差大效果,可以做個深藏不露嘅奸人角色,佢稱讚身邊王俊堂一行出嚟就好似江湖中人,要向對方學習表情,又笑王俊棠成日挺起胸膛,一企出嚟就好有台形。
王俊棠近日忙為2月舉行歌舞劇彩排,要同一眾小朋友演出,佢話:「我成日唔記得對白,老婆都問我唔記得點算,驚我到時要NG企喺度變咗傻仔,真係唔記得對白就由啲小朋友跳舞,音樂繼續扮下嘢先。」
精選娛聞,喺晒《娛果》
http://fb.com/appledailyent