「見到學生代大人受苦，被警察噴胡椒噴霧，我個心好痛，痛到無地自容。」突變光頭老師的中學通識科老師方景樂說，今次事件，令他更加積極考慮去飲，「警察咁粗暴對待學生，只會激發更多人佔中。」
方老師突變光頭，有學生在facebook「給讚」；也有同學感到意外；更有學生質疑，為何老師一把年紀「仲咁熱血」，他說：「我嘅答案好簡單，因為唔認命、唔甘心！」又不諱言受到老師陳健民的感召而剃頭；堅信民主種子，需要薪火相傳。

不會向學生「洗腦」

雖然個人的政改立場明顯，但方景樂不會向學生「洗腦」，早在剃頭前已向學生解釋原因，並表明學生有政治信仰自由，「我講得好清楚：佢哋啲功課未必要跟我立場，跟我立場唔一定會高分，相反如果同我立場相違背、但講得有理有據，或者會更高分」，因為民主最重要的精神，就是包容不同意見。
方景樂07年在中大修讀中大社會學碩士，老師是陳健民，坦言早前剃頭明志，正是受老師的民主理念感動，「佢（陳）將民主概念解釋得非常精準、好易明，背後有份理想，我仲感受到佢有教學嘅熱情」。人大落閘後，他對教育局局長吳克儉政改言論極反感，「吳克儉話今次政改係一次大躍進，（大躍進）真係死得人多，絕對係一個大話，佢咁講愧為局長」。
方擔心通過中央篩選的普選方案，日後特首只會「做得更狠」，硬推23條等惡法，「只要我一息尚存，我都會同佢哋（中共）鬥長命，我唔信中共永遠唔會倒台」。有兩名年幼子女的他原在佔中任支持角色，「但經過噚晚（前晚）事件，我會積極考慮去飲」。