44歲德國名模Heidi Klum雖然已經生咗4個，但依然keep得好好，除咗有做《全美一叮》（America’s got talent）評判幫9歲妹妹Celine入圍之外，仲飛到去紐約幫《全美超級模特兒新秀大賽》（America's next top model）做評判。不過呢邊廂佢努力搵錢，另一邊廂，細佢13年嘅商人男友Vito Schnabel卻被影到喺倫敦偷咀索女。事後Heidi冇回應，不過Vito就急急出嚟澄清話只係「老朋友」。

日前Vito被偷影到係倫敦街頭啜女足足30秒，之後意猶未盡上咗的士又再咀。據講Heidi知道呢單新聞之後冇回應，不過Vito就發聲明話：「呢個指證絕對係無辜，我只係簡單咁同一個家族老朋友講晚安，之後我哋都分開走。」不過Vito之前情史一籮籮，仲專揀索女名模，今次有冇偷食真係信不信由你。