鄧麗欣(Stephy)、施念慈、羅可旋和梁漢文女友Karen等前晚在中環四季酒店,出席化妝品牌ShiseidoMAQuillAGE三周年活動,AmandaS.、CaraG.、翻版關之琳Jocelyn和陳苑淇等擔任模特兒。
Stephy的舊愛、任職空中少爺的趙啓昕(Alex)現正與施念慈拍拖,兩女是夜首度在公開場合碰頭,頓成為焦點,兩人也大方企定定合照。Stephy透露第一次見施念慈,她說:「我哋冇正式見過,同Alex都唔會成日聯絡,係一班朋友聚會時見到,大家都唔會尷尬,都好耐之前嘅事,𠵱家佢做空中少爺,成日周圍飛好忙。」覺得Alex人品如何?Stephy說:「佢好好,好乖仔,嗰時佢好鍾意讀書,不過已經好多年冇傾偈。」