捉到第5個啦，張學友「逃犯剋星」呢個朵果然名不虛傳！噚晚（9日）學友喺金華舉行巡唱，當地警方再捉到一名49歲姓馬逃犯，其因涉嫌盜竊被上海警方上網追逃。同日，喺演唱會開始前，金華警方仲捉到一名涉嫌偽造國家機關公文罪被福建警方上網追逃嘅鄭姓逃犯。

噚晚馬姓逃犯現身學友個唱場外，向歌迷兜售演唱會門票，被補後接受警方盤問，問到佢點解嚟金華？馬姓逃犯表示：「我就是來倒賣張學友門票的，我也是張學友歌迷，賣不掉我自己可以看。」

上月學友喺江西、浙江等地舉行巡唱，當地警方用全國公安聯網嘅天網同人臉識別系統，已經先後捉咗3名嚟睇騷嘅逃犯，學友因此被封為「逃犯剋星」，事後學友說：「不在我的演唱會被抓，你去便利商店也會被抓啦！感謝你們來看我的演唱會，無論是甚麼人，我想都需要娛樂。」

精選娛聞，喺晒《娛果》
http://fb.com/appledailyent