星級髮型師Kim Robinson今晚在中環藝穗會舉行畫展，獲好友關之琳、周汶錡、馬詩慧及蔣雅文現身支持。畫展在本月28日至下月1日結束，展出13幅作品，全是Kim患病前所畫，是次活動籌備了一年。

今年農曆新年前夕，Kim替客人剪髮時，突然眼前一黑，醒來才驚覺自己曾大動脈撕裂（aortic dissection），死過翻生的他自覺是幸運兒：「好易死，因為爆晒，而家ok，諗嘢、行都冇問題，Thanks to God。」他笑言需要戒口，好多食物不能吃，好麻煩：「醫生話呢個係special case，90%會死，我自己體檢過好多次，次次冇事，今次突然之間爆，會多啲休息，減少工作，剪髮就冇問題，4月正式復工。」目前需要每周覆診一次，他坦言病發後心態有所改變，希望多做慈善回饋社會。他又謂：「瘦咗15KG，會飲多啲湯水，情緒都幾down，因為平時唔煙唔酒又有運動，而家會寄情藝術，多painting。」

跟Kim是多年好友的關之琳說：「我10幾歲就識佢，病咗真係嚇死人，唔煙唔酒又有運動，佢真係好彩，因為3個鐘內唔開刀就救唔到，呢個就係命運，咁多年嚟見到身邊嘅朋友走咗，又或者身體出現問題，令到我好多事都會睇淡，最重要珍惜健康，所以每年生日願望都係身體健康。」提Kim情緒低落，關之琳感到意外：「佢唔應該咁諗，應該覺得自己幸運，當自己發生咁突然嘅事，而又冇事，應該要珍惜同感恩，佢唔似喎(情緒低落)！可能佢平時畀我哋嘅感覺係開心。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef