當年今日
關於我們

用完即棄冇怨言 劉國梁做國乒幕後軍師

蘋果日報 2017/12/19 20:45

乒乓球樊振東劉國梁奧恰洛夫

縱使畀國家用完即棄,前國家乒乓球隊總教練劉國梁依然關心隊中事務,仲不時喺幕後出謀獻策。前國手王楠嘅丈夫郭斌喺微博爆料,話劉國梁擔任幕後軍師,協助中國球手樊振東周日喺國際乒聯世界巡迴賽總決賽男單決賽,擊敗德國好手奧恰洛夫奪冠。
劉國梁被迫落台之後就同王楠夫婦一齊從商,而郭斌同劉國梁本人都幾熟。樊振東喺總決賽擊敗奧恰洛夫之後,郭斌就喺微博PO文,仲貼上劉國梁嘅頭像,話「每次知道輸球,我心裏都想,該!使勁輸!讓你瞎折騰!但人家坐不住了,從賽前分析到臨場動員、指揮,雖然只是電話而不在現場!」
雖然無指名道姓,但明眼人都知郭斌所講嘅就係劉國梁,而更多人都知佢唔係冇料,只不過係國乒高層權鬥嘅犧牲品。雖然畀人踢咗落台,但有見近排國乒幾乎被德國追過,劉國梁最尾都肯出山為國家隊出謀獻策,好心班當權者反省下啦!
--------------------
狂賀!BFB系列推出5周年,精彩活動為您安排,立即登入速享專屬優惠! http://bit.ly/2xrTKGM
empty
郭斌喺微博爆料
empty
樊振東擊敗奧恰洛夫奪冠