今日必買
蘋果日報 2002/01/12 00:00
圖中呢種蔬菜叫香花菜，葉細細而梗幼長，食用部分為菜葉，多用作配菜用，主要食法可以滾湯或煎蛋，其味清香。呢個時候香花菜盛產，主要來自中國，間中至喺部分菜檔蒲頭，因為貨源有限，價錢都唔平，不過始終佢唔係當主菜食，大家亦可以買少少返去試過先。
記者：陳冰麗
呢罐由日本入口嘅罐裝紅豆湯，即開即飲，一罐有成190克，打開蓋未入口先聞到一陣陣紅豆香味，飲落甜甜哋，重有紅豆粒可以嗒一嗒㖭！而且紅豆重含有蛋白質、礦物質及維他命等營養，兼有利尿、消腫及通便等功效。
記者：葉少萍
冬天時份是海魚當造的季節，現在的紅魚無論在質素和數量都相當豐富。
紅魚現在體形不算太大條，約十両至斤四重，價錢也不太貴，只是二十多元一斤。
紅魚味道清甜甘香，清蒸加蒸魚豉油就最合適。
記者：謝翠玲