香港人一向重視冬至，傳統上一家人必定相約一起晚飯，冬至飯的重要性跟團年飯不遑多讓。剛過去的冬至對近半年低迷的飲食業市道，無疑是一根救命草。位於警民衝突重災區黃埔花園的詠藜園亦曾受影響，老闆娘楊太表示，遊客數目減少令生意減少三成，今年冬至訂枱情況難與往年比較，但仍有八成生意，算是難得。她指，受市道欠佳影響，今年冬至不敢加價，反而額外贈送小食，「我哋生意難做，有啲例外嘢送畀啲客，例如送素叉燒、一啲好意頭嘅餸」，只為留住客人。

記者：金敏琍　攝影：麥超億

經濟低迷、市民收緊荷包，對消費市道影響深遠，即使是九次獲米芝蓮推介的詠藜園亦難倖免，老闆娘楊太表示，冬至飯訂餐往年「一早訂滿」，而今年訂枱量有八成，已屬心滿意足，今年一席冬至套餐12位不用3,000元，價錢具競爭力，但由於人工租金昂貴，今年要在菜式下功夫，希望提高利潤，「我哋計緊一個貴菜配啲平菜，全部貴菜我哋蝕。」但又不願將貨就價做壞名聲，因此費盡心思。

所謂貴菜配平菜，她舉例套餐中的蜜汁火方、砂鍋雲吞雞、松子桂花魚等用料新鮮，屬貴價菜，再配搭一些較平價菜式，「西蘭花炒蝦球，蝦球我哋用冰鮮，上湯時菜，我哋時菜唔貴，浸會平啲，椒鹽功夫豬手，我哋豬手都唔係好貴，你一碟畀隻豬手都夠一大碟，又好睇，有啲包裝砌到高高哋，已經好靚，呢啲就平啲。」

今年冬至正日是12月22日，但不少市民提早做冬，楊太期望冬至當晚可以有四至五轉翻枱次數，增加收入彌補。展望來年，她未敢樂觀，暫時決定來年團年飯及春茗套餐不會加價。

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568