當年今日
關於我們

【冇骨豬扒被疑有骨】梁栢堅送飯給被捕者遭拒 勁嬲爆粗:就算香腸佢都可以懷疑

蘋果日報 2019/09/01 15:53

梁栢堅嚴正執骨

著名填詞人梁栢堅今日在IG出post,並留言透露自己送飯入警署給被捕手足,可惜一塊無骨豬扒遭當值女警懷疑有骨而拒絕他送飯的要求,梁栢堅更紀錄他們的對話如下:
「送飯俾入局手足,唔可以有骨有湯,金祥排骨炒麵啱晒,但原來,就算係冇骨豬扒,都唔得!
我:你自己睇,全部肉冇骨
M:嗱肉嚟講可能有骨
我:你食晒佢啦,金祥你未食過咩吓
M:Er⋯⋯總之肉係有骨就唔得
我:得喇你鍾意啦,滴到你成枱油唔巧意思 #嚴正執骨」
最後梁栢堅上載一張寫有「我的行動或行為,能否確保公眾對警隊的信任和信心」的牌。

《蘋果》聯絡上梁栢堅,他坦承朋友、西環飛躍動力召集人葉錦龍(Sam)今日被捕,所以送飯給對方,可惜因豬扒被懷疑有骨而拒絕,他回覆《蘋果》查詢時,仍怒氣未消,爆粗說:「明嘅,差人係永遠都係跟程序嘅,就算係一條香腸,佢都可以懷疑入面有骨嘅,由x佢啦,x佢老x,由x佢啦,唔x同佢拗。在於佢哋嚟講,佢哋係冇錯,完全係跟番程序,但係佢哋除咗嗰個程序之外,冇其他嘢會諗到囉,明嘅,係咪先?殺咗佢個犯咩?」
對於接待他的女警的對話,梁栢堅稱自己不會與對方爭拗,怕連累到朋友,他說:「膊頭冇嘢坐前館嘅,就知係收order㗎啦,老x唔博啦呢啲,我x佢都無x謂啦,佢又係看更咁樣,軟皮蛇吖嘛,同佢拗都冇x意思呀,我費x事,佢癲起上嚟,喺我個friend盒嘢度加料呀!我幾x有禮貌。」
-----------------------------
【撐學生】
召集有心人 撐學生全年睇《蘋果》
立即按此
empty
梁栢堅今天在IG出post公開自己去送飯給被捕友人時的遭遇。(IG圖片)
empty
梁栢堅稱自己很有禮貌,還為自己的外賣滴油落枱面講不好意思。(IG圖片)