頭先霆鋒出席腕表品牌活動，十分鐘快閃，酬勞即袋袋平安。咁跟住霆鋒去咗邊？去咗歎雪茄。

今午點幾左右，霆鋒喺尖嘴海運大廈一完咗活動，即轉到附近嘅喜來登酒店二樓一家雪茄店享受人生，同行仲有助手「表哥」及一名友人，三人吹吹水relax下歎下，至三點半先離開。

霆鋒一出來，記者即問番頭先記者會上未有回應嗰四條問題，第一當然係細仔Quintus退燒未好番未，佢就話:「OK嘅。」

咁爸爸謝賢當眾怒摑曾江單嘢，霆鋒謂:「都唔會答0架喇。」

拉姑狄波拉篤信四面佛，可是日前曼谷發生恐怖爆炸案，死傷逾百，亦令佛像受損，問及霆鋒會否捐錢修葺，他只謂不回應。至於會否擔心拉姑之後赴曼谷拜四面佛安全問題，霆鋒淡然謂:「你自己問番佢。」

關於王菲喇。傳大肚？唔答。會否同王菲結婚？唔答。

好型啊!