英國前球星碧咸（DavidBeckham）同太太Victoria，為咗令個仔生活得唔好咁離地，令佢更加體會打工賺錢嘅辛苦滋味，兩個月前已經特登安排咗現年15歲嘅大仔Brooklyn，去英國嘅咖啡店兼職打工。

最近碧咸又安排Brooklyn到大姐大麥當娜（Madonna）個導演前夫基里奇（GuyRitchie）嘅辦公室做parttime，0依家每日都會到基里奇位於倫敦嘅辦公室返五粒鐘，佢只需要穿便服孭背囊返工去實習就得，不過Brooklyn除返工有老竇碧咸揸住架名車接送外，收工亦有保鑣專車接送。