當年今日
關於我們

【張瑛個仔】江美儀舊愛遭盜用相片做偽證:向寂寞的婦女埋手

蘋果日報 2017/09/22 10:31

江美儀身份證張瑛張煒

前無綫藝員何寶生(道生法師),十多年前已看破紅塵遁入空門,估唔到仍有不法之人利用佢嘅舊電話冒名行騙,事發於今年六月,結果由好友麥景婷喺社交網代為澄清,指何寶生曾用過嘅流動電話號碼遭利用,騙徒冒認法師,與致電找法師的人聯繫、攀談,甚至欺騙對方相約見面。(新聞連結: http://bit.ly/2fF3abf )
依家有另一個受害者,事主就係著名粵語片小生張瑛之子、江美儀舊愛張煒,今次佢仲頭痕。
曾涉足娛樂圈、投考亞洲電視藝員訓練班,且與黎明、江華等人同期畢業嘅張煒,近年長居上海從事茶葉生意。佢噚日喺fb出嚴正聲明,稱:「實在是忍無可忍,更是無法無天!本人照片多次在面書上被盜,詐騙集團的歹徒盜取本人照片後就開設多個面書假帳戶,總向一些寂寞的婦女埋手騙取感情和金錢,更有詐騙集團盜取複製本人照片後,偽造假香港身份證,此乃嚴重罪行,已構成不誠實使用電腦,根據香港現存法例,最高刑罰將被判終身監禁~」
張煒續稱:
「本人現在公開聲明以下兩點:
1.本人短期內回港報警備案及保留一切法律必需行動追究此事。
2.本人在面書,多年來衹希望版上交流和分享,從不主動找任何人私聊,私聊的都是現實生活上一些工作和生意的合作伙伴,和一些真正認識的現實生活上的朋友。
請大家慎防受騙,祝大家網上分享愉快~」
睇下張煒貼出嚟嗰張身份證,「卡主」個名叫「沈博」,張相係張煒……竟然係彩色。
再睇detail位,咦,一粒星?一粒星係代表「持證人年齡為11歲至17歲及有資格申領香港特別行政區回港證」,圖中呢位「沈博」,報稱係1970年4月19日出生,即係今年係47歲啦,點會係一粒星?
至於身份證號碼嘅「Y」,一直有好多迷思,以為身份證號碼首個英文字母代表出生年份,入境處就話,其實真係冇乜嘢特別意思,只係當一個英文字頭編號用晒之後,人事登記處會簽發另一個英文字頭身份證。一個身份證字母,大約可以用到十年。而「Y」,根據維基顯示,持證人大多屬1988年後期,至2003年間發出;如果係1970年出世,屬於1970年代初至1979年上半年在香港出生類別,英文字母多數係「K」。
同埋,點解個名係兩個字,但中文電碼係有三組?
換言之,呢張「沈博」偽造身份證,資料應該係來自一張兒童身份證,而彩色相片就來自張煒(彩色!!!)。
講番多少少張煒嘅資料,今年57歲嘅佢,自幼受其父張瑛影響,立志投身電視圈,曾經隨家人移居加國,又負笈英國留學,1980年代中期回港,投考亞視藝員訓練班,如前所述,與黎明、江華等為同一批畢業生(1985年至1986年)。
張煒畢業後,主持過《亞洲早晨》、《下午茶》,拍過《滿清十三皇朝》、《夜琉璃》、《皇家檔案之野狼》、《萬家燈火》等數十部劇集,90年代離開,01年重返亞視,現定居上海。佢較近期嘅新聞,已經係同江美儀十幾年前嘅戀情。02年張煒40歲生日,女友為佢開生日P,席上記者問佢覺得女友值幾多分?佢話:「七分啦,因為佢唔夠溫柔,廚藝又差。」江美儀就話:「佢肯娶我,我可以為佢做一切嘅嘢。」
結果都係分手。
empty
empty
兩個字嘅人名,中文電碼竟然有三個字…明明係47歲嘅男子,身份證竟然係1粒星——兒童證!(張煒FB圖片)
empty
(張煒FB圖片)
empty
同黎明同期亞視畢業,連個Look都有啲似。 (張煒FB圖片)
empty
2002年左右仲同江美儀拍緊拖,可是男方遲遲不肯結婚。 (資料圖片)
empty
(資料圖片)
empty
(張煒FB圖片)
empty
亞視訓練班RE-u都有出席
empty
(張煒FB圖片)
empty
依家嘅張煒主力北上搵人仔
empty
睇下張煒個fb,其selfie風格非常一致。 (張煒FB圖片)
empty
(張煒FB圖片)
empty
係咪呢?全部都係大大大大頭 !