【新增內容】日本BL神劇《大叔的愛》雖然已經圓滿落幕，但廣大fans仍未接受故事已告一段落，唔止強烈要求開拍續集及希望可以搬上大銀幕，前晚在《大叔的愛》開播期間七集嘅同時段，社交網Twitter仍有大批網民留言討論呢套人氣劇，更有fans自行性幻想「第八集」嘅劇情，令劇名重登Twitter熱搜榜，劇集官方Instagram當晚都有上載一張新相，拍下田中圭飾演男主角春田創一悔婚時穿着嘅白鞋，慰藉一班中毒太深嘅劇迷。

《大叔的愛》帶旺田中圭嘅演藝事業，連「大叔」吉田鋼太郎、「阿牧」林遣都都狂吸支持者。《大叔的愛》在本月2日播出嘅大團圓結局，尾聲再有阿牧向春田索吻場面，最後鏡頭更交代春田首次主動錫錫阿牧，十分溫馨。唔講唔知，原來呢幕背後卻大有彩蛋，觀眾發現春田流露出微妙表情，究竟係咪有乜暗示？經放大音量再解構，真係發現呢場係有「消失的台詞」，阿牧問：「可以吧？」春田尷尬回答：「你鍾意點就點。」阿牧隨即騎在春田上甜爆互望，呢兩句對白播出時係有收錄，只係用音量遮蓋住未被觀眾發現。

由於《大叔的愛》已hit到香港，Viu煲劇app已購買《大叔的愛》特備劇版權，由今朝開始上架。

精選娛聞，喺晒《娛果》
http://fb.com/appledailyent