在九龍城真善美村生活的日子，是炳霖嫂與丈夫最溫馨的時光。當年村內環境荒蕪兼盜賊猖獗，兩人因此加入互助委員會數十載，與街坊建立深厚感情。時至今日，不少舊街坊已經離開，居住逾半世紀的真善美村更面臨重建，有房協義工製作貼滿舊照的「人生紀念冊」，贈送已屆83歲的炳霖嫂及村內一班老街坊，讓他們在聖誕佳節重溫昔日生活「真善美」。

那年在工作的染料廠內留影、同學會飯敍合照、和朋友遠足登高……翻開「人生紀念冊」，一張又一張黑白照，炳霖嫂如數家珍。雖然年屆83歲，人稱炳霖嫂的蔡雪瓊仍對往事記憶猶新。她與現年86歲的丈夫李炳霖在夜校結識，婚前居於旺角通菜街舊樓單位，「有房協姑娘嚟探訪，見到住緊呢度危樓咁，就幫手申請（房協）單位」。

她說，申請約一年後獲派九龍城真善美村一個約300呎的單位，與丈夫及另外3名家人同住，成為首批入住真善美村的居民，「好似中頭獎馬票咁開心」。但她指，當年月租達112元，夫婦二人那時為戲院製造梳化椅，月租已超過整份收入，「嗰陣有百零蚊已經好開心。我哋兩個惟有硬住頭皮做，日頭做梳化椅，夜晚就喺屋企織漁網」。

炳霖嫂說，六、七十代年村內環境荒蕪，「地下係紅毛泥嚟；晚黑又會黑晒，好恐怖。無（車立）又無電」，更有賊人藉機打劫，丈夫也是受害者，「返嚟嗰陣被人箍頸。唔好彩啱啱出咗糧，有成千蚊，連手錶都無埋。以前無保安，邊似而家咁好」。後來適逢互助委員會招請人手，丈夫便申請加入，她亦不時幫手，「有人亂拋垃圾，我哋就提醒佢哋唔好揼，條村就乾淨啲」。

她憶述，昔日街坊十分團結，會每晚組隊「行咇」巡樓，「攞電筒、揸住枝大棍出去」，又試過一同舉辦街坊旅行團，走訪新界多處郊遊，「嗰陣大家有傾有講。以前去旅行無旅行社嗰啲……要親自去探路同試食先，再落訂帶啲街坊去」。

時光飛逝，不少老街坊已離去，舊有情誼也只能透過照片懷緬。房協一班義工及獎學金同學會成員，趁聖誕前與基督教女青年會合作，上月開始展開上門探訪工作，為連同炳霖夫婦在內的8名真善美村長者，按照他們的人生經歷製作「人生紀念冊」，讓長者重溫過去重要時刻和在村內的生活點滴。

義工鄭憶詩說，炳霖夫婦兩名女兒已長大遷出，並甚少在港，單位只剩兩老居住，「有次炳霖嫂生日撞正探訪，就一齊慶祝」。同學會成員、理大老年學學生胡伊晶指，透過今次活動更加了解長者想法，「佢哋會好似小朋友咁嚟嗲你或者發脾氣，其實佢哋只係想同你傾下偈」，亦學會珍惜眼前人。

記者 李詠希

-----------------------------

民陣元旦大遊行

日期：2020年1月1日
時間：下午2時集合
路線：維園中央草坪至遮打道行人專區
主題：毋忘承諾 並肩同行
*不反對通知書申請中
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
無懼警暴 學懂自救
《抗暴之戰●法例須知》讀果 上架
-----------------------------
【撐學生】
召集有心人 撐學生全年睇《蘋果》
立即按此