遊搜好行:為博童顏一笑 親子遊七日夠晒

蘋果日報 2012/05/13 00:00


帶小朋友出外,麻煩多多,偏偏親子旅遊專家Amanda不但愛帶小朋友出門,還喜歡帶她們出國。為了囡囡,景點改成動物園、主題樂園,裝備亦包羅萬有,曾撞板的她會帶足夠全程每日食用的藥物,聽見也感到辛苦。但Amanda說希望囡囡增廣見聞,見到她笑,一切都值得。母親,你們很偉大!

記者:姜穎妍
攝影:劉永發(部份相片由被訪者提供)
場地提供:花栗鼠寶堡(37499428) 
地址:荃灣川龍街88號協和廣場3樓
Amanda'sProfile
empty
曾於多間報紙雜誌工作,有逾10年經驗,擁有一子一女,是親子界的先驅。09年開創先河,撰寫了香港首本親子旅遊書《親親東京09-10》,其後的著作有《親親台北2011-12》,亦編輯了《親親新加坡2011-12》親子旅遊書,絕對是親子旅遊的專家。訪問當日Amanda帶同兩歲囡囡阡阡,提議去位於荃灣的兒童遊樂場花栗鼠寶堡,有多條滑梯、彈床等遊樂設施,阡阡玩得開心,我們又能拍攝得好相片。看見她介紹的好地方,便知道她對親子好去處非常熟悉。
empty
■《親親東京09-10》是日本迷Amanda首本撰寫的親子旅遊書。
日本台灣沙巴 七天旅程最正
對於新手父母,Amanda建議不要出遠門,「歐洲等地長途機對小朋友嚟講太辛苦,一旦出事,距離遠會好麻煩,最好飛行時間係三至四小時內,旅程七日內就夠。」亞洲是出遊首選,「亞洲親子配套最好,一定係日本,好多樂園同商場的育嬰室提供熱水冲奶。東京豐洲有體驗博物館Kidzania,畀3至15歲嘅小朋友體驗消防員及導遊等職業,部份更可穿上制服,非常有趣,仲有課程教小朋友整雪糕等食物。」
自311後,港人對旅日有所保留,Amanda推介台灣、新加坡及馬來西亞,「台北亦有類似嘅職業體驗博物館BabyBoss,價錢仲平。小朋友鍾意動物,見到大笨象、企鵝等兩眼會發光,可以去能擠牛奶嘅飛牛牧場、全台最大規模嘅臺灣市立動物園等,台灣嘅親子餐廳亦唔錯;新加坡就要去環球影城,除咗機動遊戲、波波池等,小朋友鍾意園內的卡通人物,阡阡錫了HelloKitty一啖,好開心。最好係有特別排隊服務,同工作人員講聲,媽咪玩完爹哋唔使再排就玩得;馬來西亞沙巴多靚Resort,打開露台就有游泳池,隨時玩隨時休息都得,好方便。」
empty
我係認真嘅司機,行車時唔好同我講嘢。
empty
■台灣有以HelloKitty為主題的餐廳,座位、Menu食物全是HelloKitty,迷死小朋友。
empty
empty
■不論露天溫泉或戶外游泳池,也非常適合小朋友,留在酒店房,已可玩餐飽。
empty
■臺灣市立動物園有齊熊貓、老虎、企鵝等動物,佔地182公頃,沒有帶BB車的話,可以在園內租借。
囡囡發燒 日本撞大板
談起親子遊,頭頭是道,處處中Point,但原來成為專家前,Amanda有過慘痛經驗,她曾帶女兒往日本及新加坡等地方,歷練過後綜合經驗,方能寫出貼心書本。由於她熱愛旅遊,囡囡阡阡不足一歲,已忍不住帶她出門往京都自駕遊,誰知馬上撞大板,「去日本玩10日,打算由朝玩到晚,無留意小朋友會頂唔順,加上遇上突來的強風,火車停駛,被困三小時。日本暖氣好熱,出入時一凍一熱囡囡就病咗,傷風、咳、發燒。」阡阡沒有因病發脾氣,只皺起眉頭,望着阡阡痛苦的表情,Amanda心如刀割,「我有帶藥,但無諗過佢病咁多日,喺日本語言唔通,撲到醫院,醫院又唔肯收症。」
徬徨無助,輾轉溝通後,才明白日本醫療系統跟香港不同,「香港急症室乜症都收,但日本係小兒科先會同小朋友睇症,溝通唔到唔會睇。」幸好得到酒店幫助,小兒科醫院碰巧有中國繙譯,才順利找到醫生診治,診症費約$700,不算太昂貴,但教訓很大,「幾日唔敢瞓,晚晚睇住佢,想即刻買機票返香港,好彩吃咗藥有起色。」繼續行程,帶阡阡到去睇長頸鹿、鴕鳥等動物,「見到佢餵鹿個樣梗晒,擔心佢唔鍾意,原來係覺得又新奇又怕,哈!回程時笑到咭咭聲,個心即刻放鬆番,開心晒,幾辛苦都值得。」
Amanda給我相片,阡阡就在旁指手劃腳,重複嗌鹿鹿,向我解釋相片內容,相信小朋友的外出經歷很愉快。吸收經驗,Amanda建議出國一定要帶足夠藥物,五天遊就一定要帶足五天藥。行程不宜多,如去農場,一天遊一個景點已足夠,否則小朋友很易病倒。
empty
■被困京都火車站三小時後,阡阡就病倒了。
empty
雖然我怕凍,但我都係企鵝。
empty
■阡阡每次餵完動物,會不斷興奮地提起動物,最少講了20次鹿鹿。
帶小朋友出遊貼士
1.帶備足夠藥物
可到醫生處購買足夠整個行程食用的平安藥,「平安藥有齊退燒、咳、止嘔等藥。」另外亦要準備探熱針、蚊貼、防曬霜等,有備無患。

2.帶足夠奶粉及礦泉水
在外國奶粉不易購買,為免小朋友水土不服,最好寄艙帶四至五瓶礦泉水出國,每天逐少溝礦泉水及當地水給小朋友飲奶。

3.帶滴露消毒
大部份酒店浴缸都很高,最好是自備吹氣浴盤。否則可帶滴露,「小朋友喺屋企用慣盆仔冲凉,出到去唔慣用花灑,滴露可以用來消毒浴缸。」

4.小朋友不宜奔波
每天景點一至兩個已足夠,亦最好減少轉換酒店的次數,免去頻撲之苦。

5.攜電飯煲有備無患
小朋友未必鍾意食外國食物,帶定迷你電飯煲就可煮簡單食物。
empty
■Amanda出遊必備的救急箱,有齊平安藥、退熱貼及探熱針等裝備。
後記
因工作關係,本身Amanda對旅遊已很熟悉,但為確保再次出遊順利,她不斷收集身旁家長朋友的意見、參考Blogger介紹、在網上親子論壇跟人討論,終成親子旅遊專家。「最初因工作需要,未有小朋友,已開始撰寫以親子旅遊為主題嘅文章。後來發現市面無旅遊書特別介紹親子遊,就的起心肝決定寫番本。」既熟悉外國,又有育兒經驗,憑着創新及貼身的內容,《親親東京09-10》甫出版便大賣,5,000本快速售罄。媽媽帶子女出門既要遷就行程,又需拿更多的行李,花費又大,為的只是要想看到囝囝囡囡開心一笑,這刻,我確切感到母愛的偉大。
empty
■Amanda正計劃帶囡囡去有泳池的resort。