【本報訊】匯賢產業信託（87001）作為首間兼唯一一間人民幣計價產品，昨亦結束長和系內最後一間「純大陸」生意上市公司的身份。匯賢昨通過表決，將投資地域由僅限大陸，擴至全世界，惟有小股東擔心管理層「買貴嘢」。匯賢主席甘慶林澄清，議決並非慫恿海外投資，目前無特別意向要投資海外。

主席承諾「唔會亂收購」

部份匯賢小股東不滿擴大投資地域，並於股東會上向甘慶林發炮，一名股東說：「最怕你走出去又買貴嘢，蝕到攤攤腰呀！」另一名股東問：「當初我喺深圳買層樓，賺錢仲多。投資第二個地區，你哋點確保有利潤？」甘慶林向小股東解釋，今次表決同意放寬投資地區，不等如同意海外收購。目前因受限制，即使收到海外項目，連研究、考慮都不可以，「投票唔等如慫恿海外投資」，只為取得日後投資的彈性。他亦無硬銷股東，更說：「你投反對票，我一樣感謝」。他又補充，「日後重大收購都要大家同意」，並承諾「唔會亂收購」。
匯賢上市三年以來，僅於兩年前向大股東收購瀋陽酒店項目，惟去年撇帳5.2億元人民幣，有股東感不滿。甘慶林未有正面回應，只稱酒店業務受累內地高檔消費萎縮影響，但酒店收益只佔一成，餘下寫字樓及商鋪收入亦不不俗表現。