韓國樂隊CNBLUE嘅28歲隊長鄭容和，今年1月被爆涉享特權入慶熙大學，正面臨被檢方起訴。而鄭容和於前日入伍，將於江原道華川15師團勝利新兵教育隊進行5周基礎訓練，預計於明年12月4號退伍。

鄭容和當日喺訓練所報到時同樣被網民影到，只見佢一臉專注咁望住前方，又與同袍一齊擺出敬禮手勢。而今日網上再有鄭容和入伍當日嘅相曝光，相中鄭容和笑得相當燦爛，身旁亦見其母親陪伴在訪，而粉絲見到偶像嘅笑容都安心不少。

另外，鄭容和嘅CNBLUE隊友李宗泫、姜敏赫、李正信，今日就現身首爾仁川機場，準備飛到日本開騷，3位成員亦心情大好地向送機粉絲打招呼。

更多韓流，喺晒《娛果》
http://fb.com/appledailyent