韓國機構經常都會就住千奇百趣嘅主題嚟進行問卷調查，而近日韓國某保險公司就以「最有可能將平時儲存的錢拿來做慈事的藝人」，訪問咗年齡介乎25歲至35歲之間、各500名嘅男女對象，結果亦出爐。

男藝人方面，「國民MC」劉在石就以35.4%嘅投票率排第一，而歌手Sean就以30.6%位居第二，其後搞笑藝人朴明秀（9.5%）同金長勛就分別排第三同第四。

至於女藝人方面，文根英就以29.2%嘅投票率位居首位，其後第二、三名就分前係《奇皇后》女星河知雲（20.7%）同歌手IU（13.7%）。

另外，韓國Heraldcorp娛樂選出2015年喺廣播、電影、歌曲等方方面最令人期待嘅藝人，當中憑《星星》紅遍亞洲嘅金秀賢、大勢男團EXO都有上榜，不過，驚人嘅係，就連近期捲入桃色糾紛嘅男星李秉憲都有上榜。