朗尼上周五凌晨涉嫌醉駕被捕激嬲了愛華頓領隊朗奴高文，據英國傳媒報道，朗尼很可能被球會罰款約30萬鎊（約300萬港元），而高文更將警告朗尼唔會有第二次機會，如果再有越軌行為就會將他放上轉會名單。

據報道，愛華頓由曼聯簽番朗尼前，朗奴高文已經對佢有飲酒習慣感到擔心，所以喺朗尼動筆之前已經好坦誠咁傾過，紀律嚴明嘅高文要求佢以後唔可以再飲酒出事，今次朗尼涉嫌醉駕被起訴，好嬲嘅高文可能會罰佢兩個禮拜人工，即係大約係30萬鎊。高文更將警告呢名英格蘭前鋒唔會再有下次機會，事關佢希望朗尼可以做拖肥年輕球員導師嘅角色，而唔係一個喺場外放縱鬧事而帶嚟壞影響嘅人。