強泰環保（1395）掛牌首日急升70%，是近期首掛新股中最標青之一，強泰加上神州租車（699），勢必掀起新一輪新股熱。唔少股民都在期待中廣核美亞（1811），執幾千銀去食餐buffet都好。今日仲有隻新股掛牌，壹照明（8222）將以每股0.5元下限定價，集資淨額僅3,440萬元，主要用於擴充LED燈、燈飾零售店及家具綜合店零售樓面面積。賣點一句講晒：夠細隻！夠細才炒得起。
今日的殼股潮，最緊要睇市值，中國天然氣（931）同中信21世紀（241）炒到幾百億元市值，風險當然大，但三幾億元市值的股仔，大把國內企業及富豪願意以7至9億銀估值去買個殼，下跌空間自然有限。
上周五股價及成交異動的久融控股（2358）正屬此類股仔。久融前稱三丸控股，停牌六年後去年底獲白武士拯救、重組及成功復牌買賣。金主中國水務（855）透過將貸款轉為新股，同時再以一供六、每股作價0.1元供股集資，集資2億多元。