前曼聯隊長 艾拉 嘅感情生活可以話非常多姿多采，上個月佢太太Sandra Evra先至好咁傷心咁話，發現艾拉同一個女醫生出軌，所以下定決心要同佢離婚斬纜。點知呢位前曼聯左閘今個月就宣佈閃電訂婚，但係身邊人居然又係另一位新歡，佢係25歲嘅丹麥嫩模Margaux Alexandra，感情圈子真係亂到七采。

上年夏天宣佈掛靴嘅艾拉同老婆Sandra青梅竹馬，一齊咗25年咁耐，兩個人讀高中嗰時已經認識，結婚之後生咗一仔一女，本來係個甜蜜家庭故事。點知，Sandra上個月透露，發現艾拉幾年前喺美國拉斯維加斯識到32歲嘅女醫生Gabriella，仲同個女人生咗兩個小朋友。心都碎埋嘅佢話，會計劃同呢位39歲嘅法國左閘離婚。退役之後去咗《天空體育》講波嘅艾拉，去咗倫敦生活之後又再換畫。佢識咗細過自己14年嘅Margaux，兩個人喺南倫敦一齊生活，佢幾日前仲喺ig分享咗一條骨痺影片，每做一下sit up，都同女朋友咀咀一啖。禮拜四佢仲宣佈同Margaux訂婚，將佢收歸己有。

佢喺ig出post大晒恩愛：「我哋一齊已經超過一年喇，亦係自從你偷咗我個心一刻開始。當我哋第二次見面之後，我已經同你講，要你餘生做我老婆。我𠵱家唔可以冇咗你，就算你喺我身邊，我都仲好掛住你。當識咗三個月我就同你求婚，你一定以為我癡咗線...... 我希望所有男人都可以好似我愛你咁，咁愛佢哋嘅另一半，你係我世界嘅所有，當你拖住我嗰時，我真係覺得好安心。餘生，我選擇咗你，我嘅小蘑菇。」唔少球迷都為一對準新人送上祝福，艾拉嘅前隊友賓施馬同埋里奧費迪南都有留言。但亦有網民睇唔過眼，忍唔住要寸呢位花心男：「你一年前識Margaux嗰陣，你老婆知唔知你唔會再同佢一齊？」

-----------------------------

要錢周轉使乜出街 Borrow From Home啦！

需要錢周轉但又唔想出門口！

邦民日本財務急你所急，只需要一個手提電話號碼同一張身份證#就可以申請貸款，貸款直接經轉數快瞬間過數^，實行Borrow From Home！

新客仲有迎新現金獎高達HK$5,000▲添！

貸款額全數過戶，絕無手續費。

立即申請 : https://bit.ly/2UlZfUU

推廣期由2020年11月1日至2020年11月30日(包括首尾兩天)

須受條款及細則約束，詳情留意邦民日本財務( 香港)網頁。

忠告：借錢梗要還，咪俾錢中介

放債人牌照號碼：1328/2020

查詢及投訴熱線：3199 1199

-----------------------------

《體蘋果》 陪你睇波講波

-----------------------------

《蘋果》英文版免費試睇： 了解更多

英文版已登錄《蘋果》App，立即 下載/ 更新 ： iOS / Android

-----------------------------

支持蘋果深度報道，深入社區，踢爆權貴，即Like 蘋果專題及調查組FB專頁 ！