由韓國「國民初戀」秀智與男星李鍾碩主演嘅SBS新劇《當你沉睡時》，將於本月27號首播，劇組噚日公開首個預告片，秀智亦有將預告片上載到Instagram為劇集宣傳。

於新劇中秀智飾演可透過夢境預知不幸事件嘅記者南洪珠，預告片一開始只見秀智面部受傷，一步一步行去同樣額頭流住血嘅李鍾碩面前，佢仲攬住對方喊，而秀智亦似乎對住李鍾碩講：「我喺夢境見過你，如果你仲想生存，就要聽我講。」隨後鏡頭一轉留有長髮嘅秀智着住病人服，企係天台上跳樓，就算李鍾碩叫佢唔好佢都唔聽，而短片後面就預告咗秀智同李鍾碩將有唯美吻戲，令觀眾相當好奇故事嘅發展。