當年今日
關於我們

叫湯麵食唔到$1雞

蘋果日報 2005/11/21 00:00


編輯先生:
上個禮拜同朋友經過第一城商場間宋家皇朝,見到門口有個牌寫住$1四川口水雞,2個人可以有一碟例牌,諗住咁筍咪入去食。入到去之後,先知道原來要點其他嘢先可以叫$1雞。咁咪諗住平平哋叫個麵啦,點知個侍應姐姐話淨係要湯麵係唔可以加$1換雞,最後叫咗碟炒麵,埋單加一同收茶芥要$69.7,真係唔係好抵。
記者跟進:

事後記者問番,$1雞優惠須要連同2碟小菜一齊叫才有此優惠,好似Annie咁齋叫湯麵或白飯係唔得嘅。事實上以$1做招徠的餐廳多的是,實際埋單當然亦不會只是$1,但如果好似Annie咁(喺記者跟進前)叫埋碟炒麵,兩個人食70蚊,都算抵喎!