肥仔@ERROR分手復合再分手 感謝舊愛阿芬多年陪伴
蘋果日報 2021/05/30 21:43
肥仔梁業ERROR分手
ERROR成員肥仔（梁業）日前爆出與拍拖8年的初戀女友阿芬因了解而分開。雖然分手後肥仔即被堪輿學家七仙羽指「一早吼住娟姐（練美娟）」，不過他否認兩人分手涉第三者。事隔5日，最初表示唔想透露「私人嘢」的肥仔，今日終於「開腔」感謝舊愛阿芬一直以來的陪伴。
肥仔剛在IG的限時動態中以黑底白色留言多謝阿芬，不過曾試過跟阿芬分手後復合的他，就似有保留地以「可能暫時未能繼續走落去」來形容兩人分手，肥仔表示會繼續支持對方外，亦感謝大家對他的關心：「未來，我會繼續專注自己嘅工作，多謝大家關心。因為阿芬唔係公眾人物，希望我嘅事唔會影響到佢。」
-----------------------------