【表揚推動韓流】李敏鎬聽日領國家品牌大獎

蘋果日報 2017/02/21 13:30

李敏鎬

韓國「長腿Oppa」李敏鎬早前忙於同韓國女神全智賢嘅新劇《藍海傳說》之後,日前完成兩場首爾粉絲見面會,同粉絲互動。
雖然李敏鎬方面早前已否認下月入伍嘅傳媒,但外界都好關心6月踏入30歲嘅李敏鎬幾時入伍。不過喺入伍前,李敏鎬已落實於聽日出席由韓國國家品牌振興院舉辦嘅國家品牌大獎活動,李敏鎬仲被選為「2017國家品牌大獎文化部門」嘅得獎者,到時李敏鎬將會親自到首爾國會議員會館領獎。
據了解,李敏鎬喺去年嘅成績非常好,當中又做咗2016-2018年韓國訪問之年嘅形象宣傳大使,為韓國旅遊業做出唔少貢獻,所以就獲主辦單方頒獎以表揚佢嘅成績。