當年今日
關於我們

【牌照逾期9年】錢小豪兒子龐景峰無牌駕駛被判停牌1年

蘋果日報 2019/06/26 10:30

龐景峰錢小豪

錢小豪與國際華裔小姐郭秀雲所生的兒子龐景峰,於4月5日約凌晨3時駕駛私家車,在灣仔鴻興道西行近馬師道交界遭警方截查,龐景峰未能出示有效牌照,據知他於2009年曾獲發一年效期的本地執照,並於2010年到期,牌照逾期9年,龐景峰日前承認無牌駕駛及沒有第三者風險保險兩罪,案件押後至今日判刑。
28歲龐景峰(原名為錢浩然)今早10時現身東區裁判法院,被判即日起停牌1年,60小時社會服務令,他在庭上以廣東話自辯求情:「由細到大生活在公眾眼光之中,覺得我做事要企得正做得正,由細到大盡量唔會犯錯,正規生活,做嘢都比較正規,雖然我攞美國護照同美國駕駛執照,但明白到要受懲罰,願意做社會服務令,作為公眾人物願意受懲罰,作為社會榜樣。」
龐景峰被判停牌1年,不得駕駛及申請任何駕駛執照,以及交出所有駕駛執照由法庭保管,但龐景峰指沒帶,法官叫他5日内交回,如若需要去外地駕駛可以到法庭申領。
他接受訪問時說:「我都上過嚟幾次,佢哋畀咗幾個選擇我,可以做啲咩會發生啲咩,都有晒心理準備,我覺得作為一個公眾人物,最好幫香港社會,所以做社會服務係一件好事,嗰陣時係疏忽,以為我知有個法例寫如果未試過長期定居喺香港,唔夠1年,可以揸其他國家駕駛執照去揸車,不過呢個唔係一個藉口,係我自己疏忽,知道要考番一個車牌,嗰陣都有考番晒所有嘢,考咗路試同筆試,等緊去攞牌。」被問到要停牌,他說:「無所謂!我都好少揸車,揸車都係拍戲嗰陣揸,父母都知道判決,做任何錯事都應該受罰,由細到大,我都見識得多,因為出世到而家都要面對鏡頭,一直都係企得正做得正。」
問及爸爸錢小豪有否訓話?他尷尬說:「我其實好少同Daddy傾偈,我媽就覺得做公眾人物,覺得錢唔係解決晒所有嘢,服務一下都係好事,判決完未打電話畀佢,而家都未知服務令係做啲咩。」
龐景峰早前求情稱自己擁有美國車牌,但沒有香港駕駛執照,由於他在13歲時曾改名,早前在港做轉牌手續時,雖然已通筆試及路試,因系統上顯示的姓氏不同,又沒有攜帶改名證明書而未獲牌照,裁判官警告指無牌駕駛可被判入獄;此外涉案車輛的註冊車主有買第三者保險,基於被告欠有效車牌,因此並不受保。
案件編號:ESCC 1421/2019
-----------------------------
7月4日起 《蘋果動新聞》只限升級壹會員閱覽
繼續撐蘋果!
empty
(攝影:陳慧安)