【二月又廿九】吳海昕係爸爸的驕傲 導演麥兆輝都「偷橋」
麥兆輝ViuTV吳海昕二月廿九
吳海昕(Sofiee)在ViuTV劇集《二月廿九》憑戲中有穿越時空能力的Yeesa一角贏得知名度。今年30歲的Sofiee很遲才起跑,大學畢業後任空姐,為的不是興趣,只為讓父母安心,有一份可以自給自足的職業。夢想是當演員,4年空姐生涯未有撲熄那團火,2014年選港姐,算是走「捷徑」入行,贏的只是旅遊大使獎、「民選港姐」稱號及不多的演出機會,離女神的路仍然很遠。
Sofiee記得參選前跟家人說了一番話︰「我同屋企人講,而家我有勇氣對住幾百萬人,代表我有呢個決心啦。」早在大學時期客串做模特兒拍廣告,任空姐時又替電影學系的同學仔義務演出,對演出工作滿有憧憬,她說︰「入行唔係一時衝動,選完美之後都諗過應唔應該繼續,最後去咗紐約電影學院,讀Film Acting等人睇到我嘅誠意。」坦白是Sofiee的優點,她補充話︰「個課程畀錢就讀得,係使咗好多錢。返到香港就由零開始,cast咗好多次都唔成功,起碼50次,都冇一次成功。港姐係好沉重嘅包袱,啲人會覺得港姐都係靠樣。嗰時唔同角色,主角、配角、特約、有冇對白都cast。有段時間會自我否定,諗自己『係咪自己唔好?唔夠人靚?』好在有位前輩同我講『今次唔揀你只係角色唔適合你。』」
為黃修平導演的《狂舞派3》試鏡、見過《無間道》的麥兆輝導演,兩次的經驗都好特別,Sofiee笑說︰「有次去映後會見到黃修平導演,我同佢講好鍾意佢套《狂舞派》,後來佢搵我casting,雖然唔成功,不過最後都同佢合作咗個廣告,演大肚婆。」跟麥兆輝見面的過程更戲劇,上到對方辦公室,Sofiee好奇問起導演找自己的原因:「導演話『冇呀,開電視見到你做嗰套《賤民》,咪搵你上嚟傾吓偈,睇吓新一代演員有乜嘢想法囉。』呢次經歷令我知道,每一個機會都有可能俾前輩見到,令我更加唔會放棄每一次演出,那怕是1%或者10%嘅機會,都唔會放過。」歡笑背後在眾多的面試中,遇到的冷言冷語更是不少,被人話「個樣好普通」是慣常,她說︰「可能我個樣辨識度好低,所以今次好開心有人喺條街叫我Yeesa。想上多一層就係build up吳海昕個名。」
ViuTV劇集《二月廿九》受追捧,Sofiee亦受到網民關注被封為女神,對於網絡世界,她笑言有種「敬鬼神而遠之」的心態︰「有前輩同我講話網上評論一係唔好睇,一係心理質素要好高,我就用睇啲唔睇啲嘅方法。」至於父母反應,Sofiee話他們其實不太看得懂,但每集都會收看,每一集吳爸爸都會提點要改善的地方,Sofiee話︰「爸爸係為我驕傲。」
採訪:何永寧
攝影︰仇志德
攝錄:Teddy
場地︰Parc 古道具公園
化妝:Fiona To
髮型:Zap
[email protected]服裝:Sportmax Code, Sportmax
-----------------------------
第三屆最港電影大獎
按此立即投票 -----------------------------
【武漢肺炎】專頁 全民自救 抗疫資訊盡在《蘋果》