河國榮、鄧小巧同黎曉陽等今日到銅鑼灣維園出席工展會活動，冬至日河國榮話做完活動就會同老婆買餸返屋企煮飯，佢話：「今晚真係會買雞，不過我哋唔會買好貴嘢，平時都係煮簡單普通一餐。」咁係咪你親自下廚？佢話：「唔係呀，老婆整㗎咋。」

河國榮透露近來又開始為舞台劇綵排，佢話：「舞台劇會喺明年2月公演，今次同焦媛合作，我係第二男主角，仲要一人分演四個角色，所以對我好大挑戰。」

鄧小巧同黎曉陽一齊接受訪問，小巧話冬至但媽咪唔得閒理佢，所以要自己過，又透露新碟已經完成錄音，所以聖誕節可以放鬆一下。而黎曉陽就表示聖誕節期間要睇at17同楊千樺演唱會，1月就會同朋友去緬甸旅行。

更多娛聞，喺晒《娛果》
http://fb.com/appledailyent