對於徐熙媛(大S)與汪小菲拍拖一個月閃電訂婚一事,之前曾與大S合作過的古仔表示從報章上得知消息,他說:「結婚係開心事,我會打電話恭喜佢,我諗佢會請飲啩!同埋以我所知大S好鍾意小朋友,希望佢快啲生多幾個。」古仔又指早前與張栢芝影海報時見到Lucas,他大讚Lucas乖巧。
此外黎耀祥太太近日被雜誌封為惡妻,更指她逼祥仔減肥,祥仔說:「太太睇得好通,總之我自己成日大吃大喝。」對於敖嘉年被襲擊一事,祥仔說:「我識冼灝英好耐,唔覺佢特別暴躁,可能呢排嘉年鴻運當頭,紅到出血。」
採訪:譚倩宜 攝影:黃偉雄