律政司決定不就前特首梁振英收受UGL 5,000萬元作出檢控，更未有向外尋求獨立法律意見，有違慣例。民主派今午發起遊行，抗議律政司司長鄭若驊「潛水」，拒交代司法決定。有參加者更直斥，鄭若驊「除咗係共產黨嘅人之外一無是處」，更是除梁振英以外，最乞人憎嘅政治人物之一。

港人Lawrence認為，放生的做法再次顯示香港轉變甚多，「由細到大都喺香港嘅，你就感覺到，無感覺嘅呢都唔係香港人。」他指，「香港巿民應該個個都行出嚟；我哋係揸住香港以前嘅做法嚟做，而家係完全唔同晒，所以好多人都出嚟。」

港人陳太形容，不檢控梁振英是選擇性執法，港人一定要表達不滿，「即係對比曾蔭權又係公職人員，點解要告佢咁多次呢？不停咁去告佢呢？而梁振英收UGL 5000萬係好耐嘅事，律政署係一路都唔做嘢，到而家話無證據唔告佢，你叫香港人情何以堪？大家都係前任特首，我覺得係好唔公平，係為香港人覺得好唔fair。」她又指鄭若驊有僭建已是不對，「而家又搵個老公出嚟頂咗呢一單嘢算數，如果係公正就唔應該係咁樣，就算係高官都要面對法律。」

剛從外國大學畢業回港的武小姐指，自己身在外國亦知道香港正發生這些事，又指鄭若驊「佢成日講錯嘢，所以唔出現，佢除咗係共產黨嘅人之外一無是處， 搵好多藉口幫自己人，最乞人憎嘅政治人物除咗梁振英之外佢都係其中一個。」

港人李女士形容，「如果689都無事，咁許仕仁同曾蔭權呢兩單肯定係冤獄囉。」她強調香港人要站出來取回公道，「究竟香港而家係人治定法治？係咪政治就可以凌駕法律之上？」她指不檢控很明顯是政治決定，「年頭鄭若驊啱啱上場，已經有官方喉舌報講話唔告佢（梁振英），當時佢即刻否認，拖到而家仲要編排好佢自己又放假，777（林鄭月娥）又放假先話唔告佢，其實係一個好有編排嘅劇情。」她又指鄭不是「潛水」而是逃避，「但你唔可以逃避一世，唔通你成世都唔返嚟咩？你始終要返嚟面對香港人。」