應屆候選港姐昨日起程赴韓國拍外景，早上先在將軍澳電視廣播城拜神，外景嘉賓郭晉安也前來與佳麗會面，佳麗展示帶往韓國的手信，「薄唇舒淇」5號呂慧儀準備了咖啡奶茶，而「青衣薛凱琪」8號徐淑敏則帶了兩樽腐乳。

斥鄭詠森白撞

最近有報道指「黑珍珠」11號鄭詠森前經理人力數她又煙又酒，又指她聲稱搭上何韻詩，鄭詠森回應說：「我冇食煙飲酒，去街最多11點會返屋企。我唔識何韻詩，只係以前有喺舊經理人面前提起過佢，我同屋企人都好同情佢（指前經理人）本身問題。」問她最終為何解約，鄭詠森隱晦地說：「佢思想行為好特別，所以我同屋企人都決定解約。」
另外，何韻詩與行政長官夫人曾鮑笑薇昨日在灣仔出席「第六屆香港傑出少年選舉」頒獎禮，阿詩強調並不認識鄭詠森，更直斥對方白撞，她說：「唔知佢係乜嘢人，算啦，年終都有唔少呢啲新聞扯到我身上，呢啲係名副其實嘅白撞認錯人。」
採訪、攝影：卓寶花