大律師公會前主席、公民黨前黨魁余若薇、建制派議員何君堯，以及理大社會政策研究中心主任鍾劍華，今日出席港台議事論事節目。余若薇節目上批評，現時政府不只有權用盡，而是明顯「大細超」的問題，令巿民「好嬲好唔忿氣」，舉例指前警司朱經緯的打人案，朱至今並無事，大批年輕人卻被判入獄。

余指政府用盡權力作「大細超」去打壓巿民，制度完全不公義，批評人大釋法令一人一票選出的選舉結果亦變成「唔算數」。余又指最近大學很多問題出現，是因為巿民感到社會不公義積累而成，「佢覺得你都唔公道，我點解要同你公道？你都涼薄，點解我又要唔涼薄？」認為面對社會撕裂，政府應該帶頭和解、修補或緩和氣氛，而非有權用盡。

余指律師行業中很多人都對楊振權法官今次判決感到託異，「平時唔係好嚴重傷到人案件，你話坐監都唔係坐13個月，仲要年輕人無案底、無任何武器，甚至乎雙學三子無肢體碰撞」。曾鈺成則指，如果政府作無理上訴，法院不會接受，又以自己弟弟作例子，「我細佬當年坐兩年呀」，余聞言即說：「咁所以佢覺得唔忿氣囉，一樣道理咋嘛！」

何君堯發言時指余若薇的批評不公允，香港很自由開放，「實際上我地都好開心」，指如果有人形容香港是極權社會及政府是不仁不義，「除非你係完全無良知」，何又認為社會不應「以眼還眼」，曾鈺成聞言即反問：「你發起簽名要炒呀戴耀廷，算唔算係呢種行為？」，何君堯即否認，指自己只是「從良知出發」。

鍾劍華指大學一向有不同政見人士，過去並無人在課堂上鼓勵學生衝擊政府，問何君堯「你有乜證據戴耀廷有喺課堂上慫恿學生？」何君堯回答：「我冇話佢係喺課堂裏面喎」，余若薇即反問:「你冇證據又叫人炒人？」何指自己只是想表達立場和「為民發聲」。

談到香港是否已步入威權管治時代，余若薇指，威權是指政府有權用盡，必要令示威者坐監為止，目的是想令大家示威時感到害怕，或者會有老師「被炒魷」。余若薇又透露法律界很多人向她反映，今次雙學三子判刑是比一般刑期重很多，楊的判詞亦令人感到意外，令人擔心現時「法治係咪變咗」。

何表示對余說法感失望，指余應要再接受教育，不應再做大律師，又向余說：「你咁失望，Go elsewhere！」余則指，香港出現問題後，建制派都會呼籲不同意見的人離開香港，反問何：「宜家香港係屬於你（何君堯）一個人既咩？法律界只有你一個人咩？」

到節目中段，何君堯突「發難」，不斷追問余若薇和鍾劍華是否支持港獨，以及是否支持學生講粗口，不滿為何沒有發聲明表達上述立場。鍾指自己反對很多東西，包括港獨、亂掉垃圾等，但都不會發聲明表達。余若薇指個人不支持港獨，但不會反對巿民討論港獨。曾鈺成亦不禁指，「唔好將講粗口同港獨拉埋一齊，唔係講粗口的人就支持港獨」。

但何仍繼續多次追問在場人士是否支持人講粗口，「講定唔講？講定唔講？講定唔講？你答我先啦！」余若薇無奈指：「佢今朝早唔知食咗啲咩藥，食咗啲粗口藥？」李鵬飛則指，何君堯若以講粗口來定標準，他相信全港有99%人都曾講粗口，何則繼續說：「你（李鵬飛）講句粗口嚟聽吓啦！」曾鈺成則指港台節目不能講粗口。李鵬飛指何將講粗口等同犯罪，何則指：「講粗口點會唔係犯罪？」李鵬飛反問何「點解你淨係要針對戴耀廷？」何未有回應。李及後再指明白香港為何分化得如此厲害，「因為有人喺度搞分化」，指有人想在社會製造更大矛盾，迫使北京政府作出一個決定。

李鵬飛其後強調，香港社會不能再承受衝突越來越加深，但有些人不是搞「大和解」，而是想矛盾越大越好，並追問何君堯是否贊成「大和解」，何君堯則回應稱「贊成」，李即指出，何的行為並不是搞和解，而是搞更深層次矛盾，「點解你要針對一個人？你贊成和解會咁做？」，並再追問何君堯是否支持社會和解，何君堯回答「當然啦」，李即指：「當然？在我嚟睇，你係大搞手，你係講大話吖嘛！」

李指「大和解」是唯一令香港向前行的方法，可以「令習主席唔使咁頭赤」，籲全港都應支持林鄭推動「大和解」。余亦指，教大校董會主席馬時亨最近亦呼籲建制派「唔好搞咁多嘢」，但建制派繼續製造衝突，何君堯指「（馬時亨）嗰個係唔同意見，唔代表啲乜嘢」。