現時有唔少韓國偶像組合嘅成員都去挑戰演技，如EXO嘅D.O.、After School前成員UIE、Highlight嘅尹斗俊及李起光等，都有亮眼嘅表現。

近日就有幾位資深演技評論家，對一眾偶像歌手嘅演技進行評分，10分滿分當中，D.O.就獲得9.2高分獲封「最佳演技歌手」，力證佢唱而優則演嘅實力，至於主演《一起吃飯吧》系列劇嘅尹斗俊，就以8.25分屈居第2位，第3名就係憑韓劇《你的管家》獲得6.23分嘅女團宇宙少女成員苞娜。而ASTRO成員銀優及少女時代成員徐玄就分別憑熱播劇《我的ID是江南美人》及《時間》獲得6分，評分都算唔錯。

另外，D.O.近日正夥拍女星南志鉉演出tvN新劇《百日的郎君》，劇集上周播出嘅第4集創下7.274%嘅高收視，成績十分好，而港劇迷可於Viu同步煲劇。劇組日前公開咗第5集預告，可見D.O.突然憶起遇襲一事而頭部劇痛倒地，南志鉉就細心照料對方，令兩人感情升溫。

精選韓流，喺晒《娛果》
http://fb.com/appledailyent