朱玲玲、陸詩韻及向海嵐等昨日義賣自己肖像的慈善郵票，朱玲玲兒子霍啓剛與郭晶晶拍拖，她揚言希望看到晶晶現場跳水爭勝。至於被拍到夜會林炳昌的陸詩韻，強調二人只有朋友感覺，更謂毋須向曾文能交代或報到。

慧妍雅集昨日在又一城舉行「心思心意郵票慈善義賣」，郵票上印有多位數屆港姐的靚樣，如朱玲玲、向海嵐及陸詩韻等，昨日眾人都有出席，而即將卸任的張嘉兒及何傲兒等則上台行騷。

未有奧運門票

朱玲玲緋聞男友羅康瑞之前出錢出力贊助慧妍影集，問朱玲玲其男友今次會包幾多套郵票？她笑說：「佢都未見過。」問她會否送一套作答謝，她說：「都會送畀啲朋友，唔止佢。」記者笑指她應該用自己肖像郵票寄出情信予羅康瑞，朱玲玲聞言甜笑說：「我冇心機答你呢啲嘢。」
提到奧運，朱玲玲表示希望看羽毛球及跳水比賽，提到其子霍啓剛與跳水公主郭晶晶拍拖，她說：「現場跳未睇過。」她又稱未知能否取到入場票，有指她可以問前夫霍震霆取，她說：「你哋唔好畀壓力佢。」
至於經常與富商名人傳緋聞的港姐陸詩韻，繼曾文能後，近期又被影到與林炳昌約會，她昨日解釋說：「我同林炳昌未入行就識，嗰次係朋友聚會，寫到咁好肉酸，佢7、8月有官司，唔想影響佢，男女食飯唔一定拍拖。」

陸詩韻拒報到

陸詩韻謂不覺林炳昌追求，她說：「拍拖係講緣份，第一感覺好重要，我唔相信由朋友變成情侶，對佢第一感覺就係朋友。」至於曾文能，她則說：「係好傾嘅朋友，我真係未有真命天子。」問她跟林炳昌約會，可有問過曾文能？她說：「我同邊個食飯唔使同人交代，吓吓要報到嘅咩？做朋友，唔使囉。」她又謂連林炳昌兒子也認識，更當他如兒子看待。
採訪：梁錦雯　攝影：仇志德